Gukora sport ni bimwe mubyo tugirwaho inama na muganga  kuko bigira ingaruka nziza k’ubuzima bwacu , bishobora kudufasha kwirinda indwara ndetse no gukira zimwe muzo twari turwaye.inzobere mu by’ubuzima  zagaragaje bimwe mu bintu birindwi  sport ishobora kudufasha :

1.Irinda indwara y’umutima

Gukora sport bigabanya ibyago  byo kurwara umutima  bitewe nuko umuntu ukora sport umutima we uasha kwinjiza no gusohora (pumping)  amaraso neza mubice by’umubiri.

2. Gucunga  ikigero  cya diabetes

Ubushakashatsi  bwakozwe na Old Dominion University  muri Virginia , bwemeje ko  sport ishobora ku kurinda kurwara diabetes .Umuntu ubana na diabetes nibyiza gukora sport kuko bimufasha cyane  kuringaniza isukari ndetse n’ibiro  bye .

3. Kuringaniza ibiro

Umubyibuho  udasanzwe ni bimwe mu bihangayikije   ikiremwa muntu muri ikigihe , kuko bishobora kongera ibyago byo kurwara cancer  n’umutima .American College of Sports Medicine  yemeje ko  bumwe m’uburyo bwo kwirinda izi ndwara harimo no gukora sport ukagabanya ibiro.

4. Kuringaniza ikigero cya Cholesterol

Amwe mu mavuta dutekesha  nibyo kurya tugura  bihiye  bikungahaye kucyinyabutabire kizwi nka Cholesterol  , kikaba kigira ingaruka mbi cyane k’ubuzima bwa muntu . Gukora sport nibwo buryo bushobora gutuma  umubiri  ushobora kuringaniza cholesterol  bityo bikagabanya ibyago  byo kubura ubuzima.

5. Amaraso atembera neza

Gukora sport  bifasha umubiri  kubona oxygene  ukeneye  , bikongera  hemoglobin ndetse n’ingano y’amaraso.

6. Byongera Ubudahangarwa bw’umubiri

Sport ifasha  umubiri kugabanya uburozi dukura mubyo kurya ndetse ikagabanya no kwiyongera ku dukoko ( bacteries)   bitewe no kwiyongera kubushyuhe   umubiri ugira mugihe urimo gukora sport.

 7. Gukomera kwa magufa n’Imikaya

Gukora imyitozo ngorora mubiri  bifasha cyane  amagufa gukomera  bigatuma umuntu asaza agifite imbaraga .

ubwanditsi.